I.Yusupov dóretpelerinde ráwish mánili frazemalardıń qollanılıwı

Qaraqalpaq tilinde tereń mánili, obrazlılıģı menen ayrıqshalanatuģın til baylıqlarınıń bir toparın frazeologiyalıq sóz dizbekleri quraydı. Onda qaraqalpaq xalqınıń ásirler dawamında qáliplesken danalıģı, oyı, ármanı, kún-kórisi, qullası, pútkil turmısı az sózli, tereń mánili sóz dizbekleri arqalı beriledi. Sonlıqtan da, kórkem ádebiy shıģarmalarda turaqlı sóz dizbekleri obrazlı, tereń mánili til birlikleri sıpatında stillik jaqtan jiyi qollanıladı. Shıģarmanıń talabına sáykes bul tarawda til baylıqlarınıń barlıģı da jumsala beriwi múmkin, ol jazıwshınıń sheberligine baylanıslı. Solay da kórkem shıģarmanıń tilinde frazeologiyalıq sóz dizbekleriniń ózine tán ózgesheligi bar.