VYANZO VYA MISIMU KWA WANAFUNZI KATIKA KISWAHILI
Domain:
natural language processingCreator:
Edi
Publisher:
Uta
Host:
Makala hii inachunguza vyanzo vya misimu kwa wanafunzi katika Kiswahili. Mtafiti ametumia mbinu za hojaji, usaili na uchambuzi wa matini. Mtafiti aligawa hojaji 15 kwa wanachuo 15 wa Chuo Kikuu cha Dar es Salaam. Chuo hiki kinapatikana katika Wilaya ya Ubungo mkoani Dar es Salaam nchini Tanzania. Aidha, mtafiti alisoma nyaraka zinazohusiana na mada husika kama vile: majarida na tasinifu. Makala hii imeongozwa na Nadharia ya Uchanganuzi wa Kimaeneo ya Fishman (1972). Data ya makala hii imechambuliwa kwa kutumia mkabala wa maelezo. Matokeo ya makala hii yamebainisha kuwa wanachuo wa Chuo Kikuu cha Dar es Salaam pamoja na kutumia msamiati sanifu pia hutumia misimu kutoka katika nyanja tofautitofauti katika mawasiliano yao ya kila siku. Mtafiti amechunguza misimu inayotokana na uwanja wa sanaa, siasa na michezo. Makala hii ni muhimu kwa wanaisimu kwani inabainisha misimu mbalimbali inayotumiwa na wanachuo wa chuo husika. Pia misimu tofautitofauti inayohusiana na nyanja za utani, soka na sanaa. Hii itatoa msukumo kwa wasanifishaji wa lugha ya Kiswahili kusanifisha misimu husika. Makala inapendekeza kuwa watafiti wa lugha wachunguze misimu inayotokana na mitandao ya kijamii, aina mbalimbali za misimu, misimu inayotumika katika maeneo mbalimbali kama vile shuleni, vijiweni, hospitalini na maofini.
Similar
Vyanzo vya Makosa ya Kimofofomolojia Miongoni mwa Wanafunzi wa Kitachoni Wanapojifunza Kiswahili kama Lugha ya PiliVipengele ya Kimofolojia vya Lugha ya Kihehe Vinavyotofautiana na Vipengele vya Kimofolojia vya Kiswahili na Utokeaji Wake kwa WanafunziChangamoto za Kipragamatiki kwa Wanafunzi wa Kiswahili Nchini RwandaUtaratibu wa Vipengele vya Kirai Nomino katika KiswahiliAthari za Kimofolojia za Lugha ya Kihehe katika Ujifunzaji wa Kiswahili kwa Wanafunzi wa Shule za Msingi Mkoa wa IringaUdondoshaji wa Vipashio katika Vichwa vya Magazeti ya Kiswahili