QAACCESSA SIRNAKKOO FAYYADAMA AFAANII(LINGUISTICS LANDSCAPE) MAGAALAA GOOBBAA

Axareera Kaayyoon gooroo qorannoo kanaa Sirnakkoo fayyadama afaanii Magaalaa Goobbaa keessaa xiinxaluun ibsuudha. Kaayyoon gooree qorannichaa immoo hanqinna fayyadama Afaan Oromoo manneen hojii Magaalaa Goobbaa keessaa ibsuu,Sirnaakkoon fayyadama afaanii kan barjaalee manneen hojii Magaalaa Goobbaa keessaa gama mirga afaanii heeraafi seera mootummaa Naannoo Oromiyaatiin kennameetiin maal akka fakkaatu xiinxaluufi barreeffamoonni magaalattii keessatti Afaan Oromootiin barraahan hanqinna unkaafi hanqina hiikaa qabaachuu Akkasumas qorataan kaayyoo isaa galmaan gahuuf mala qorannoo akkamtaatti dhimma baheera. Maddi odeeffannoo qorannoo kanaa immoo madda odeeffannoo tokkoffaati.Kana malees, malli iddattoo qorannoo kanaa kan of keessatti hammatu mala iddatteessuu iddatteessuu akkayyoofidarbaa dabarsaa fayyadamuun odeef-kennitoonni filatamanii jiru. Ragaalee qorannoo kanaaf oolan funaanuufis mala funaansa odeeffannoo kanneen akka af-gaaffiifi daawwannaatti fayyadamuun ragaaleen argaman jechaan qaacceffamanii jiru. Argannoowwan gurguddoon qorannoo kanaa akka ibsanitti Magaalaa Goobbaa keessatti mirgi afaanii Heeraafi Seera Mootummaa Naannoo Oromiyaatiin kenname guutumaan guututti hojirra oolaa kanhinjirre ta’uu,Sirnaakkoon fayyadama afaanii Magaalaa Goobbaa eenyummaa af-daneessaa agarsiisaa kanhinjirre ta’uufiSirnaakkoo fayyadama afaanii Magaalaa Goobbaa keessatti hanqinni barreeffama Afaan Oromoo barjaaleefi waajjiraalee keessa jiraachuu bira gahamee jira. Kanarraa ka’uun yaboon qorannoo kanaa immoo mirgi afaanii Heeraafi Seera mootummaatiin Afaan Oromootiif kenname hatattamaan hojirra osoo oolee, Sirnaakkoo fayyadama afaanii Magaalaa Goobbaa eenyummaa af-daneessaa osoo agarsiisee fayyadamummaa ummata Oromoo mirkaneessee, manneen hojii mootummaa magaalaa kana keessa jiran kallattiidhaan barreeffama ofii barreessan keessatti hubannoofi beekumsa barreeffama afaaniitiin barreessuu osoo qabaatanii kanjedhuudha.7