XIINXALA SIRBOOTA AFAAN OROMOO DIDDAA MUL"ISAN: SIRBOOTA FILATAMAN XIYYEEFFACHUUN

Qorannoon kun kan gaggeeffame xiinxala sirboota Afaan Oromoo Diddaa mul"isan: Sirboota filataman xiyyeeffachuun irratti geggeeffame. Kaayyoon dimshaashaa qorannoo kanaa, walaloo sirboota Oromoo kanneen diddaa mul`isan isaaniin xiinxalame. Saxaxni qorannoon kun ittiin geggeffame saxaxa qorannoo ibsaati. Haaluma walfakkatuun, dangaan qorannoon kun Kan xiyyeeffatu walaloo sirbaa weellistoota Oromoo Iskindir Taammiruu,Caalaa Daggafaa, Wabii Dhaabaa, Falmataa Kabbadaa, Caalaa Bultumeefi Yoosan Geetahun xiyyeeffachuun filataman irrattidha. Bu"uuruma kanaan, walaloon sirboota 10 mala iddattoo xiyyeeffata irratti hunda"uun qorannoo kanaaf filatameeti. Qorannoon kun mala qorannoo akkamtaa fayyadamuun ragaaleen xiinxalamaniiru. Qorannoon kun madda raga tokkoffaatti dhimma ba"ame. Yaadxinni qorannoon kun bu"uureeffate yaadxina hawaasummaa fayyadamuun ergaan ijoo walaloo sirbaa haala hawaasummaa, siyaasaafi dinagdee keessa jiruu mul"isuun hiika isaa xiinxaluuf dhimma itti bahameera. Xiinxala walaloo sirbaa diddaa Oromoo irratti gaggeeffameen ergaan ijoo isaanii tokkummaa dhabu, haqa dhabuu, miidhaa siyaasaafi dinagdee akka ta"e bu"aan qorannoo kun ni mul"isa. Ergaan ijoo dhiibbaan Uummata Oromoo qabiyyee walaloo sirba kana keessatti qorannoo kanaan argaman, reebicha, hidhuufi dararuu, lafa irraa fudhachuu, ajjeechaa, himannaa sobaaniifi ragaa sobaan murtii kennuu, sodaachisuufi dorsisuu, saamicha lafaa isaan gurguddoodha. Dhiibbaan uummata Oromoo irra karaa hawaasummaa, siyaasaafi dinagdeetiin irra gahaa jiru jala bahuuf, kutaaafi amantiidhaan osoo wal hin qoodin tokkummaa isaa cimsee diddaa gaggeessuun mirga abbaa biyyummaa isaa mirkaneffachuu akka qabu ergaan ijoo walaloo sirbaa kanaa bal"inaan ni mul"isa. Dabalatanis, walaloo sirboota afaan Oromoo diddaa irratti xiyyeeffatani bahan keessatti ergaan ijoo isaanii, gootummaa, tokkummaa, seenaa, biyya (Oromiyaa) faarsaan qorannoon kun ni mul"isa. Akka waliigalaa siboonni weellistoota kanaa diddaa uummata Oromoo irraa karaa hawaasummaa, siyaasaa, dinagdeetiin sirna mootummaa dhufaa darbaa keessatti gahaa jiru jijjiiruuf, hubannoo uummataa uumuufi kakaasuu keessatti gahee salphaa taphachaa hin jiru. Xumurarratti gaheen sirboota weellistoota Oromoon wellifaman qabsoo uummata Oromoo keessatti qaban qabiyyeen isaanii xiinxalame barreeffaman dhaloota dhufuuf dabarsuufi barsiisuuf gara fuula duraatti xiyyeeffannaan itti kennamee qoratamu akeekuudha.